Janny and Laurance and thier Y/Lab “Mallo”

Danky

Mallo仔一歲時我哋接佢番屋企，前主人因為工作忙冇時間照顧佢，少出街，少接觸人。當初Mallo好驚人，冇自信，系屋企悶會咬牆角，牆腳線，拖鞋，對佢對屋企都唔好。Mallo出街不停聞地下，咬繩，同人拉繩鬥力，吠人，連散步都好辛苦，唔小心甩咗繩佢就亂咁狂跑，完全失控，stop唔到佢，好危險。仲有Mallo興奮時會跳撲人，突然衝去撲狗，追松鼠，撲烏鴉，突如其來幾十磅力好容易拉傷佢自己，同拉傷我哋。我哋都為Mallo以上行為而好煩惱。

我哋決定帶Mallo上堂，首先係初級班，通過Don教導一啲簡單的方法，好輕易咁教Mallo乖乖行街散步，唔會亂衝，Mallo開始有自信，親人，友善。以前撲人，咬繩都幾乎冇再出現。跟住上中級班，Mallo學識更多，可以off leash都會跟住我哋，懂得聽基本指令，通過簡單指令訓練行為，改善咗Mallo服從性提同其他方面，越來越乖，越來越得屋企人朋友中意。不知不覺Mallo一啲壞習慣都冇咗。每個星期的社交班都係Mallo最期待，見見朋友仔，學習好general咁同其他狗和人相處。

其實狗狗好聰明，只係我哋唔明佢哋脾性，行為，唔識得同狗狗溝通，唔需要用苛刻虐待方式教導，只要用適當方式令到佢哋明白我哋意思，每一隻狗狗都好乖，好玩，得人喜愛。